2. Otsailaren 9ko grebaren aurrean ezinbesteko zerbituzak bermatzeko Aginduak

ELA, LAB, eta STEE/EILAS erakunde sindikalek grebarako deialdia egin dute 2012ko otsailaren 9rako, Euskal Autonomia Erkidegoko eremu geografikoaren barnean dauden Arlo Publikoaren langile eta enplegatu guztientzat.

 Horren aurrean Eusko Jaurlaritzak bi Agindu atera ditu Erkidegoaren Funtsezko zerbitzuak bermatzeko. Beti legez, horretarako zerbitzu minimoak ezartzen dira, desberdinak jardueren arabera. Aginduak honakoak hauek dira:

·         AGINDUA, 2012ko otsailaren 3koa, Enplegu eta Gizarte Gaietako sailburuarena. Honen bidez, sektore publikoan Euskal Autonomia Erkidegoan 2012ko otsailaren 9rako deitutako grebak dirauen bitartean erkidegoari eskaini behar zaizkion funtsezko zerbitzuak beteko direla bermatzen da.

·         AGINDUA, 2012ko otsailaren 3koa, Enplegu eta Gizarte Gaietako sailburuarena. Honen bidez, Euskal Autonomia Erkidegoan 2012ko otsailaren 9rako deitutako grebak dirauen bitartean justizia administrazioak erkidegoari eskaini behar dizkion ezinbesteko zerbitzuak beteko direla bermatzen da.

Azpimarratzeko da alde batetik bi aginduak ateratzea eta justizia administrazioari dagokionez desberdin arautzea.Bestetik testuak oso luzeak dira 12 eta 8, hurrenez hurren. Eta grebara deitu duten sindikatuekin bat etortzen niretzat ere minimoak altuegiak dira; esate baterako maiatzaren 21ko grebaren aurrean bezala hezkuntza bermatu beharrekotzat jo dira, eta ikasteko zentro guztiak zabaltzea agintzen da, nahiz ordu batzuetako greba izan. Azkenik, euskara aldetik deigarria da agindu bakoitzean bi adierazpen desberdinak (funtsezko zerbitzuak eta ezinbesteko zerbitzuak) erabiltzea gazteleraz bakarra denean(“servicios esenciales”)